林盛斌做呢樣產品代言人不可思議 極大迴響陳展鵬爆笑：真係好癲

林盛斌（Bob）口才了得，喺司儀界享負盛名，亦深受廣告客戶歡迎。一個成功嘅藝人，好需要個人特色，而Bob嘅「光頭Look」已成為佢嘅「註冊」商標，和藹、有趣形象成功令大家留下深刻印象。

同場加映：炎明熹唱歌老師│ 高晨維曾因屋企破產離開香港樂壇 以過來人身分陪伴學生經歷起跌

{{hket:ul-video id="7022"}}{{/hket:ul-video}}

Bob嘅「光頭」唔只令佢深入民心，仲為佢帶嚟廣告代言工作。唔少人可能會覺得光頭唔需要用洗頭水清潔，Bob日前喺Instagram宣布擔任洗頭水代言人，附上佢嘅招牌動作笑容嘅相片，表示：「呢件事話畀我知，原來呢個世界，冇嘢係冇可能嘅。各位，我正式宣布，我成為洗頭水嘅代言人！呢單嘢真係好癲，好癲，真係好癲！」

{{hket:inline-image name="d25f47c12679d6e445d81d70e22deecd.jpg"}}{{/hket:inline-image}}

Bob表示呢支係專為skin head及超短頭髮而研發嘅洗頭水：「完全啱晒我哋呢種髮型嘅花樣型男。」帖文出街後，網民見到都話忍唔住笑：「對唔住真係好想笑」、「冇嘢嘅，你都要剪頭髮㗎嘛，搵啱代言人」圈中好友陳展鵬都留言：「真係好癲！兄弟。」陳敏之就表示：「我真係笑咗！真係乜嘢都有可能發生！」

其實Bob曾經表示並非光頭，本來係有頭髮嘅：「首先我唔係光頭，因為光頭係指冇頭髮，我呢款係超級短嘅skin head！我係有頭髮嘅，唔剪就『乒鈴嘭唥』生得得好快。嗰陣讀大學都好短，可能係6mm、9mm，跟住出嚟做嘢就剪短啲啦，去到做電台又再短啲，去到做電視又再短啲，之後由6mm變3mm，去到而家直頭就咩mm都唔要，用鬚刨去刨！」

Bob公開講過護髮心得：「因為我鍾意清爽，走去沖涼嘅時候唔使用護髮素，唔使搞咁多嘢，清水過頭最舒服。我都會用洗頭水去洗頭，絕對唔會用沐浴露去洗個頭嘅。」

撰文：黃蘊姿